VOV4.Êđê - Hruê 1/4,  Việt Nam tŭ mă 811 êbâo 200 hnư vaccine gang mkhư̆ Covid 19 tal êlâo mŏng Covax Facility hŏng klei đru mŏng UNICEFF, WHO, GAVI lehanăn CEPI, phung mă bruă mkra mjing vaccine lehanăn dŭm ƀĭng hgŭm čiăng rŏng kơ dŭm ala čar dưi mâo djăp vaccine, dưi ba yua hŏng klei tŭ dưn. Ti knăm tŭ mă Vaccine Covid-19 ti Hà Nội, K’iăng khua knŭk kna Vũ Đức Đam m’ĭt leh asăp lač jăk truh kơ dŭm ala čar lehanăn dŭm êpul êya bruă tar rŏng lăn đru leh Vaccine Covid-19 kơ Việt Nam, mbĭt anăn mñă klă Việt Nam srăng ba yua tŭ dưn hluê hŏng ai tiê ba yua mtăp mđơr vaccine anei. Mĭn tĭng, êbeh 3,3 êklăk hnư vaccine srăng dưi mkăp hlăm mlan 5 ti anăp, lehanăn vaccine srăng dưi kah mbha, mkăp kơ Việt Nam hlăm knhal jih thŭn 2021./.

H Nêč pô mblang