VOV4.Êđê -  Aguah hruê 30-3, ti Anôk bruă Knŭk kna, bi ala kơ Khua gĭt gai Đangr, Khua lăn čar Nguyễn Phú Trọng, K’iăng Khua lăn čar Đặng Thị Ngọc Thịnh mđup brei leh Hdră mtrŭn mơ̆ng Khua lăn čar jao kơ Lê Khánh Hải, Khua hlăm Anôk dlăng bruă Đảng gưl dlông, K’iăng Khua dŭ bruă Khua lăn čar ngă Khua adŭ bruă Khua lăn čar. Bi ala kơ Khua gĭt gai Đảng, Knŭk kna mđup brei kơ Lê Khánh Hải, K’iăng khua lăn čar Đặng Thị Ngọc Thịnh bi mklă, jing knuă druh thâo gĭt gai, kriê dlăng, dưi mbha lu bruă klam yuôm bhăn mơ̆ng Phŭn bruă dhar kreh, mjuăt ktang asei mlei leh anăn hiu čhưn ênguê. Lê Khánh Hải mbĭt hŏng jih bruă pŏk ngă dŭm bruă klam phŭn, mjêč, hluê ngă tŭ dưi bruă klam mkŏ mjing bruă dhar kreh, mjuăt ktang asei mlei leh anăn hiu čhưn ênguê. Blŭ hrăm mă bruă klam mrâo, Khua adŭ bruă Khua lăn čar Lê Khánh Hải ƀuă mđĭ ai tiê klam bruă, lŏ dơ̆ng gĭr ktưn bi leh jăk djăp mta bruă dưi jao.

H Zawut pô mblang