VOV4.Êđê - Aguah mbrue (13/5), êpul ksiêm dlăng mơ̆ng Dhar bruă gĭt gai Quốc hội, Êpul hgŭm ruah khua ala čar mâo k’iăng khua lăn čar, k’iăng khua Êpul hgŭm ruah khua ala čar Võ Thị Ánh Xuân ngă khua êpul mă leh bruă hŏng čar Daknông kơ bruă mprăp kơ klei ruah khua pô bi ala Quốc hội gưl 15, lehanăn pô bi ala HĐND dŭm gưl wưng thŭn 2021 – 2026.

Tui si Dhar bruă ruah khua čar Daknông hâo mdah, klei ruah khua pô bi ala Quốc hội hlwam čar, mâo 2 êpul êya lehanăn ênoh phung bi ala pioh ruah jing 6 čô. Klei ruah khua HĐND gưl čar mâo 14 êpul êya lehanăn phung bi ala pioh ruah jing 52, gưl kdriêk mâo 78 êpul êya, lehanăn pô bi ala pioh ruah jing 272, gưl să mâo 569 êpul êya lehanăn pô bi ala pioh ruah jing 1.779. Ti anôk mă bruă, K’iăng khua lăn čar mtă čiăng kơ hrue ruah khua dưi mkŏ mjing mơh êjai dôk găn klei ruă tưp covid 19, čar Daknông mđĭ hĭn bruă răng mgang klei êđăp ênang, klei êđăp ênang yang ƀuôn, ngă jăk bruă gang mkhư̆ klei ruă tưp, čiăng kơ mnuih ƀuôn sang mâo nao ruah khua hŏng klei êđăp ênang./.

Y Khem pô mblang