VOV4.Êđê- Hruê 17/3, êpul ksiêm dlăng bruă ruah khua mơ̆ng Dhar bruă Quốc hội mâo Đỗ Bá Tỵ, K’iăng Khua Quốc hội, Khua êpul hgŭm ruah khua ala čar ngă Khua êpul ksiêm dlăng bruă ruah phung bi ala quốc hội gưl 15 leh anăn phung bi ala HĐND dŭm gưl wưng thŭn 2021-2026 ti čar Thanh Hoá. hlăm klei ruah phung bi ala quốc hội gưl 15 leh anăn phung bi ala HĐND dŭm gưl wưng thŭn 2021-2026, čar Thanh Hoá dưi mbha ruah 14 čô phung bi ala Quốc hội, ruah 85 čô bi HĐND čar, 920 čô bi ala phung bi ala HĐND gưl kdriêk, 13.272 cô bi ala HĐND gưl dă. Truh ară anei, klei pŏk ngă hdră ruah phung bi ala Quốc hội 15 leh anăn phung bi ala HĐND dŭm gưl wưng thŭn 2021-2026 ti čar Thanh Hoá mkŏ mjing djŏ hdră, mtă, rơ̆ng dŭm hdră kčah mơ̆ng hdră bhiăn kơ klei ruah khua, rơ̆ng hnơ̆ng kčah leh. Bruă răng mgang klei êđăp ênang yang ƀuôn leh anăn mdrao mgŭn dưi rơ̆ng.

Pô mblang: H’Zawut Ƀuôn Yă