VOV4.Êđê - Aguah hruê 12-5, K’iăng Khua Quốc hội Nguyễn Đức Hải mbĭt hŏng phung mgơ̆ng asei bi ala Quốc hội gưl XV mâo mmông bi tuôm hŏng phung bi ala kơ mnuih ƀuôn sang, iêu jak klei ruah khua hluê hdră trực tuyến ti anôk bruă ruah khua mrô 3, čar Quảng Nam.

Bi ala kơ phung mgơ̆ng asei bi ala Quốc hội gưl XV, K’iăng khua Quốc hội Nguyễn Đức Hải bi mni čih yap klei čang hmăng phung bi ala mơĭt kơ phung mơ̆ng asei, bi mklă tơdah djŏ phung bi ala Quốc hội gưl XV, srăng gĭr ktưn hriăm mjuăt, bi hgŭm tliêr kjăp, mđing hmư̆ klei mĭn, klei čiăng mơ̆ng phung bi ala kơ mnuih ƀuôn sang, mƀĭn leh anăn hmao wĭt lač hŏng klei kpăk klei akâo, klei blŭ mơ̆ng phung bi ala hŏng Quốc hội. K’iăng Khua Quốc hội Nguyễn Đức Hải brei thâo, klei đaŏ knang mơ̆ng phung bi ala jing boh kdrŭt čiăng kơ phung mgơ̆ng asei lŏ dơ̆ng hriăm mjuăt, mđĭ klei thâo hlak mblang leh anăn ngă bruă, bi leh bruă klam dưi jao, ƀuăn rơ̆ng lŏ dơ̆ng hluê ngă hdră pô ngă bruă hluê si grăp thŭn, hlăm jih wưng păn bruă.

H Zawut pô mblang