VOV4.Êđê- Hruê 22/4, ti ƀuôn prŏng Đà Lạt, Knơ̆ng bruă sang čư̆ êa čar Lâm Đồng leh anăn Anôk bruă bi ala Ấn Độ ti ƀuôn prŏng  Hồ Chí Minh mkŏ mjing leh  Klei bi kƀĭn” Klei găl, klei mâo duh bi liê hlăm čar Lâm Đồng leh anăn bi hgŭm hŏng Ấn Độ hlăm bruă lŏ hma”. Ti anôk bi kƀĭn, bi ala kơ khua gĭt gai čar, Phan Văn Đa,  K’iăng Khua Knơ̆ng bruă sang čư̆ êa čar Lâm Đồng bi mklă, ară anei dŭm anôk bruă mni ablei, gŏ êsei mnuih ƀuôn sang hlăm čar dôk mkra mjing, mbia blei lu boh mnga lŏ hma mâo hnơ̆ng jăk, hlăm anăn mâo lu mnơ̆ng dhơ̆ng mâo Knơ̆ng bruă kriê dlăng klei thâo Việt Nam mkăp hră dưi kriê dlăng anăn knăl msĕ si djam tam, mnga, cê, kphê leh anăn lu mnơ̆ng dhơ̆ng mkăn.

Anei jing klei găl ênưih čiăng kơ dŭm anôk bruă Lâm Đồng, êpul êya anôk bruă mnia blei hlăm čar mđĭ ktang bruă hưn mdah, poưk mlar bi hgŭm mkra mjing, mnia blei mnơ̆ng dhơ̆ng hŏng dŭm ala čar tar rŏng lăn, hlăm anăn mâo Ấn Độ - sa anôk ba čhĭ ară anei Lâm Đồng mđing dlăng čiăng ba čhĭ leh anăn blei mnơ̆ng dhơ̆ng.

Pô mblang: H’Zawut Ƀuôn Yă