VOV4.Êđê - Ti Hà Nội, adŭ bruă Quốc hội mkŏ mjing leh Klei bi kƀĭn ksiêm wĭt wưng păn bruă mŏng Êpul bi ala Quốc hội mda asei Quốc hội gưl 14 (2016 – 2021). K’iăng khua Quốc hội Đỗ Bá Tỵ nao ti anôk bi kƀĭn. Dŭm klei blŭ lač snei: Phung bi ala Quốc hội mda asei đru mguôp klă sĭt hlăm klei tŭ jing mơ̆ng hdră čih mkra hdră bhiăn, ksiêm dlăng lehanăn bi mklă dŭm bruă yuôm bhăn mŏng Quốc hội gưl 14, mñă klă k’hưm, bruă klam mŏng phung mda asei Việt Nam hlăm anôk bruă mâo klei dưi kdlưn hĭn, djŏ hŏng klei đăo knang mŏng Đảng, Quốc hội, mnuih ƀuôn sang kluôm ala. Khă snăn, phung bi ala ăt lač, phung bi ala mda asei dôk lu klei kƀah, brei mđĭ hdră bi hriăm mjuăt lu hĭn. Blŭ hrăm ti knăm anei, K’iăng khua Quốc hội Đỗ Bá Tỵ brei thâo srăng hưn mthâo hŏng Dhar bruă gĭt gai Quốc hội čiăng mâo klei bhiăn đru klă sĭt hĭn kơ hdră mă bruă mơ̆ng Êpul bi ala Quốc hội mda asei./.

H Nêč pô mblang