VOV4.Êđê -  Tlam mbruê 1/4, ti Hà Nội, Adŭ bruă Quốc hội mkŏ mjing klei bi kƀĭn ksiêm wĭt wưng Quốc hôị gưl 14 mơ̆ng Êpul ngă bruă kƀĭn ala bi hgŭm Việt Nam- Liên bang Nga. Blŭ hrăm ti anôk bi kƀĭn, Khua Êpul ngă bruă kƀĭn ala bi hgŭm Việt Nam- Liên bang Nga Phan Xuân Dũng, Khua Knơ̆ng bruă kreh knhâo, kdrăp mrâo leh anăn wăl hdĭp mda mơ̆ng Quốc hội brei thâo, hlăm wưng Quốc hôị gưl 14, mbĭt hŏng dŭm bruă ngă hŏng tač êngao mơ̆ng Đảng, Knŭk kna, bruă ngă mơ̆ng Êpul ngă bruă kƀĭn ala bi hgŭm Việt Nam- Liên bang Nga ăt đru mguôp lu hlăm hdră mđĭ klei bi hgŭm jăk siam plah wah dua ala čar, mđĭ lar bruă klam mơ̆ng hdră bruă bi hgŭm dua anôk bruă kƀĭn ala leh anăn phung ngă bruă kƀĭn ala. Khua bi ala Liên bang Nga ti Việt Nam ăt bi mklă, bruă ngă mơ̆ng Êpul phung ngă bruă kƀĭn ala bi hgŭm Việt Nam- Liên bang Nga hlăm wưng êgao đru mguôp jăk, mđĭ klei bi hgŭm plah wah Việt Nam leh anăn Liên bang Nga hlăm dŭm bruă mdê mdê.

H Zawut pô mblang