VOV4.Êđê - Aguah hruê 17/5, ti adŭ bruă Quốc Hội, ti gŭ klei gĭt gai mơ̆ng k’iăng khua bruă Quốc Hội, k’iăng khua kiă kriê êpul ruah ala čar, khua êpul mnuih mă bruă Trần Thanh Mẫn, êpul mnuih mă bruă mơ̆ng êpul ruah khua ala čar mkŏ mjing leh klei kƀĭn čiăng hmư̆ lehanăn brei klei blŭ kơ boh tŭ dưn hlăm bruă knuă mơ̆ng êpul mnuih mă bruă mơ̆ng êpul ruah khua ala čar mơ̆ng hruê mkŏ mjing truh kơ ară anei. Blŭ hlăm klei kƀĭn anăn, k’iăng khua Quốc Hội Trần Thanh Mẫn brei thâo, dŭm bruă mprăp klei ruah khua dôk dưi ngă djŏ hŏng klei bhiăn lehanăn hdră êlan dưi bi êdah leh. Hruê 18/5, êpul ruah khua ala čar srăng mkŏ mjing klei kƀĭn trực tuyến kluôm ala čar, klei bi trông čiăng bi tŭ ư dŭm boh phŭn hŭn mdah mơ̆ng êpul mnuih mă bruă čiăng hưn mdah kơ êpul bruă ruah ala čar. k’iăng khua bruă Quốc Hội, k’iăng khua kiă kriê êpul ruah ala čar, khua êpul mnuih mă bruă Trần Thanh Mẫn mñă klă, anei jing klei kƀĭn tal 2 mơ̆ng êpul mnuih mă bruă mơ̆ng êpul ruah khua ala čar, klei kƀĭn anei srăng mâo klei bi trông, đru mguôp klei blŭ kơ dŭm klei kñăm hlăm hruê mmông kơ anăp.