VOV4.Êđê - Klei bi kƀĭn tal dua mâo Êpul khua dhar bruă mặt trận čar kwar gưl dlông Việt Nam mkŏ mjing aguah hruê 18/3 bi mklă leh anăn 205 čô mơ̆ng dŭm anôk bruă gưl dlông mgơ̆ng ruah ngă pô bi ala Quốc hội gưl 15. Bruă hưn mthâo pô mgơ̆ng ruah ngă pô bi ala Quốc hội gưl 15 dưi mkŏ mjing hlăm wưng bhiâo, mơ̆ng hruê 24/2 truh kơ hruê 14/3 mrâo êgao. Hŏng ai tiê klă mngač, ngă phŭn mil pô, dŭm êpul êya, anôk bruă gưl dlông dưi mkŏ mjing djŏ, ênŭm dŭm hdră hưn mthâo pô mgơ̆ng ruah ngă pô bi ala Quốc hội gưl 15. Mâo 205 hlăm ênoh 205 čô mgơ̆ng ruah dưi hưn mthâo pô mgơ̆ng ruah ngă pô bi ala Quốc hội gưl 15 mâo 100% mnuih ƀuôn sang đăo knang hưn mthâo. Mơ̆ng hdră hưn anăn 205 čô mgơ̆ng ruah mơ̆ng dŭm êpul êya, anôk bruă ti gưl dlông mâo hưn mthâo mgơ̆ng ruah ngă pô bi ala Quốc hội gưl 15, phung bi ala nao ti anôk bi kƀĭn mâo leh klei blŭ hưn mthâo klă, kñăm tĭng dlăng hnơ̆ng čuăn ruah pô bi ala Quốc hội. Ti anôk bi kƀĭn, 100% phung khua hlăm Êpul khua dhar bruă mặt trận čar kwar gưl dlông Việt Nam bi mklă, tŭ ư anăn 205 čô mgơ̆ng ruah mơ̆ng dŭm êpul êya, anôk bruă mâo mnuih mgơ̆ng ruah ngă pô bi ala Quốc hội gưl 15./.

H’Nêč pô mblang