VOV4.Êđê - Adŭ bruă Quốc hội hưn mthâo: Hruê 15/3/2021, Klei bi kƀĭn tal 54 mơ̆ng Dhar bruă gĭt gai Quốc hội srăng mkŏ mjing ti Adŭ bi kƀĭn Tân Trào, Sang bruă Quốc hội, ƀuôn prŏng phŭn Hà Nội. Khua Quốc hội Nguyễn Thị Kim Ngân blŭ hrăm mphŭn pŏk Klei bi kƀĭn mbĭt hŏng K’iăng khua Quốc hội bi mlih tuôr gĭt gai Klei bi kƀĭn. Hluê si hdră mĭn tĭng, Dhar bruă gĭt gai Quốc hội srăng kƀĭn čiăng ksiêm dlăng, brei klei blŭ kơ hră hưn mdah ksiêm wĭt klei ngă bruă gưl XIV mơ̆ng Quốc hội, Dhar bruă gĭt gai Quốc hội; hưn mdah boh tŭ ksiêm dlăng briă msir mghaih klei ba mdah mơ̆ng mnuih buôn sang ba m’ĭt kơ Klei bi kƀĭn tal 10, Quốc hội gưl XIV; bi mklin klei blŭ, klei akâo čiăng mơ̆ng mnuih ƀuôn sang ba m’ĭt kơ Klei bi kƀĭn tal 11, Quốc hội gưl XIV; brei klei blŭ čih hlăm hră m’ar hŏng klei hưn mthâo boh tŭ hluê ngă hdră kčah mđĭ kyar bruă duh mkra – ala ƀuôn lehanăn bruă ngăn prăk knŭk kna thŭn 2020. Ti anôk bi kƀĭn, Dhar bruă gĭt gai Quốc hội brei leh klei blŭ kơ  bruă knuă druh čiăng ba mdah kơ Quốc hội./.

H Nêč pô mblang