VOV4.Êđê- Aguah mbrue (16/3), ti anôk bruă knŭk kna, khua knŭk kna Nguyễn Xuân Phúc kiă kriê leh klei bi kƀĭn trực tuyến kluôm ala ksiêm wĭt 5 thŭn klei ngă bruă mŏng êpul bruă mŏng khua knŭk kna. Hŏng hdră mkŏ mjing knŭk kna ênuah, mâo klei knhăk, ngă bruă pioh đru kơ phung ƀuôn sang, lehanăn phung duh mkra, khua knŭk kna mâo leh klei mĭn mkŏ mjing êpul ngă bruă hŏng khua knŭk kna hlăm mlan 8/2016, lehanăn êpul mâo leh klei đru mguôp jăk pioh ngưa dŭm mta bruă mơ̆ng knŭk kna. Ksiêm wĭt bruă ngă mŏng êpul mâo mjing leh gru krưak knăl yuôm bhăn, đru jih ai tiê hlăm klei tŭ jing bruă knŭk kna kiă kriê hlăm wưng păn bruă anei. Siămdah, khua knŭk kna mtă kơ dŭm phŭn dhar bruă, djăp alŭ wăl ăt gĭr hĭn, amâo mâo djŏ knŏng bruă leh mâo ngă, ƀiădah lŏ dŏng kiă kriê, mđĭ hĭn bruă klam leh kčah jao. Dŭm phŭn bruă lŏ bi mtrŭt mjhar mghaih msir bi jih klei adôk ka dưi ngă hlăm hră mơar tui si hdră mtrŭn, ba jao ya mta klei leh jăk siam kơ knŭk kna hlăm wưng păn bruă mrâo./.

Pô mblang: Y-Khem Niê