VOV4.Êđê - Hruê 16/11 mbruê, ti ]ar Phú Yên mko\ mjing leh klei bi k[^n Êpul g^t gai brua\ hâo hưn ho\ng ta] êngao du\m ]ar, [uôn pro\ng ti kwar Krah – Lăn Dap Kngư.

Jing alu\ wa\l yuôm bhăn kơ brua\ kđi ]ar, brua\ duh mkra, brua\ răng mgang klei êđăp ênang, wưng leh êgao, brua\ hâo hưn ho\ng ta] êngao ti kwar Krah – Lăn Dap Kngư mâo leh lu klei tu\ dưn jăk, đru mtru\t md^ brua\ duh mkra ala [uôn mơ\ng du\m alu\ wa\l rơ\ng kjăp brua\ kđi ]ar, răng mgang kjăp klei dưi êngiê lăn ]ar. Êpul g^t gai brua\ hâo hưn ho\ng ta] êngao Gưl dlông mta\ kơ du\m ]ar, [uôn pro\ng lo\ dơ\ng bi leh brua\ mko\ mjing, klei bhiăn g^t gai, hgu\m ngă brua\ mjing klei bi sa ai, mâo klei tu\ dưn, mâo nanao klei mlih mrâo, hdră hâo hưn djo\ guôp ho\ng klei jing mơ\ng grăp alu\ wa\l./.