VOV4.Êđê -   Phŭn bruă sang hră mơar brei thâo, yap truh 11h hrue mdih (5/5) mâo leh êbeh 631 êbâo čô hđeh ngă hră mơar bi lông jih gưl 3, hlăm anăn hđeh hriăm hră akâo bi lông klei hriăm khoa học xã hội jing lu hĭn, êbeh 53%. Tui si anôk bruă kiă kriê hnơ̆ng kjăp bruă mjuăt bi hriăm mơ̆ng phŭn bruă sang hră mơar, hlăm ênoh êbeh 631 êbâo čô hđeh ngă hră mơar akâo bi lông jih gưl 3 mâo leh êbeh 21 êbâo čô hđeh bi lông êngiê. Bruă čŏng ruah klei bi lông mâo klei bi kpleh, hlăm anăn mâo êbeh 244 êbâo čô hđeh akâo bi lông khoa học tự nhiên truh êbeh 38%, êbeh 336 êbâo čô hđeh akâo bi lông khoa học xã hội truh êbeh 53%. Mâo leh êbeh 504 êbâo čô hđeh ngă hră akâo hrŏng ruah, djăp ênoh êbeh 79% klei phung hđeh ngă hră mơar bi lông. Tui si phŭn bruă sang hră mơar čoh čuăn, truh jih hrue 11/5 srăng bi ruĕ kle ingă hră mơar bi lông jih gưl 3, lehanăn hrŏng ruah mŭt đại học hŏng hdră ti anăn mtam. Bi hră mơar bi êdah klei hmăng hmưi lŏ dơ̆ng čiăng mkŏ mjing trực tuyến srăng truh 17h hrue 16/5. Klei bi lông jih gưl 3 thŭn 2021 năng ai srăng mkŏ mjing mơ̆ng hrue 6 – 9/7./.

Y Khem pô mblang