VOV4.Êđê - Hlăm ênuk kru\ kdơ\ng blah Mi, mnuih [uôn sang Bon Bu Jarah, sa\ Nghĩa Thắng, kdriêk Dak Rlâp sa ai tiê tui hluê Đảng, rông mdăp, mkăp mnơ\ng [ơ\ng hua\ kơ phung knua\ druh. 41 thu\n leh êgao, dơ\ng mơ\ng hruê mâo klei êngiê, Bon Bu Jarah ara\ anei jing leh sa boh Bon mdro\ng sah h^n hlăm kr^ng mnuih djuê [ia\ ti ]ar Daknông.

Ktuê êlan gudro\ng dăp p’phiăr hlăm êlan Bon Bu Jarah, sa\ Nghĩa Thắng, kdriêk Dak Rlâp, ]ar Daknông, mâo lu boh sang dlông tal plua\ hlăm du\m boh sang krum djuê ana pô. Dlăng pha\ ôk [uôn jing lia\ lia đang kphê, tiêu, ksu mtah mda. Hlăm sang dua tal pro\ng siam ăt adôk mnâo êa ]u\r mrâo mia, aduôn Thị Khươi, thu\n anei 70 thu\n leh, lo\ yăl dliê kơ klei [uôn sang mâo klei bi mlih:“Đưm adih klei hd^p dleh dlan snăk, hlăk ka mâo klei êngiê, yo\ thu\n ti anôk nao ti anôk tuôm ho\ng min, ho\ng bom, nao blei hra, blei braih ăt dleh dlan, hu^ ara\ng ma\. Hlăk ana\n roh mu\t hlăm [uôn tle\ ma\ êmô kbao, u\n mnu\ mnuih [uôn sang pioh [ơ\ng. Sang kâo ngă 5 sao hma, pla hbei [lang, buh mdiê pioh rông phung ngă cách mạng. Klei hd^p mda ara\ anei jăk yâo h^n leh, mâo ]hum ]u\t ao h’ô h’uh mđao, mâo sang pưk doh siam, mâo êsei hua\ djam [ơ\ng… mâo he\ mse\ ara\ anei kyua mâo cách mạng, mơak snăk, la] jăk kơ ayo\ng adei cách mạng lu êdi”.

     Điểu Srong, khua Bon Bu Jarah, brei thâo, dưn yua knhuah gru cách mạng, mnuih [uôn sang Mnông ti anei hrăm mb^t bi tui hluê Đảng, Knu\k kna, mđ^ kyar klei hd^p mda, ru\ mdơ\ng [uôn sang [rư\ hruê [rư\ trei mđao. Êlâo dih, mâo knu\k kna đru kơ grăp go\ sang pla 2 ha ksu, truh kơ yan riêk ktăk mnuih [uôn sang mâo ]h^ ba w^t leh klei tu\ dưn kơ mnuih [uôn sang. Hjăn go\ sang `u, lo\ blei truh 4 ha đang ksu. Giăm anei ksu lu] ênoh, `u pla thiăm kphê, k`u\l, tiêu, ăt mâo hnơ\ng ba w^t hơ^t kơ go\ sang grăp thu\n mâo êbeh 300 êklăk prăk. Điểu Srong la] kơ brua\ mđ^ kyar go\ sang, lehana\n [uôn sang pô snei:“Mơ\ng hlăk điêt kâo jia\ knhuah cách mạng mơ\ng ama, kâo khăp nao bộ đội mse\ ho\ng ama, kâo kno\ng m^n tui hluê cách mạng jing êlan djo\ êdi, jăk êdi. Go\ sang kâo pla ksu, hlăk êlâo ksu mâo ênoh, sa hruê kâo nao riêk mâo ba w^t [ia\ êdi truh mơh sa êklăk prăk… leh êdei anei ktăk ksu tru\n ênoh, mnuih [uôn sang bi ru\ ana ksu pla kphê lehana\n k`u\l, [uh đ^ jing jăk. Mơ\ng thu\n 2010 mnuih [uôn sang kơ anei mâo leh klei bi mlih êdi kơ hdră m^n, hdră ngă, klei hd^p mda, ai tiê mnuih [uôn sang hla\m Bon bi mlih leh mơh. Hlăm Bon ya mta brua\ ktro\ mâo jih jang bi krăp bi đru”.

      Bon Bu Jarah mâo 120 go\ êsei, êbeh 500 ]ô mnuih, lu jing mnuih djuê ana Mnông. Hlăm Bon ara\ anei mâo êbeh 400 ha ksu, kphê, k`u\l, lehana\n tiêu, kah knar hlăm grăp go\ êsei mâo 3 ha pla mjing ana tu\ yuôm. Thu\n dih, t^ng grăp ]ô mnuih mâo hrui w^t hla\m brô 36 êklăk prăk, jing kdlưn h^n ho\ng ênoh kah knar hlăm ]ar Daknông. Tui si mduôn {uôn Điểu Khe#, mâo klei bi mlih pro\ng hlăm [uôn sang kbia\ hriê mơ\ng leh knu\k kna mâo hdră êlan đru mnuih [uôn sang, lehana\n ru\ mkra knơ\ng mbông êa, ata\t ba knua\ druh mtô bi hriăm brua\ lo\ hma, ktrâo ata\t hdră duah [ơ\ng: “Mnuih [uôn sang Bon Bu Jarah mâo knhuah gru thâo khăp ]ia\ng kơ lăn ]ar, khăp kơ cách mạng mơ\ng đưm leh, kreh ba braih, hra\, mnơ\ng mnua\ yua kơ phung ngă cách mạng. leh lăn ]ar mâo klei êngiê, hlu lir lăn êa, Đảng, Knu\k kna mđup brei međai, lehana\n đru prăk mlan kơ phung mâo brua\ tu\ dưn ho\ng cách mạng. Klei hd^p mda ara\ anei mdê leh ho\ng mphu\n dô, mphu\n dô duah [ơ\ng mơh, [ia\dah ka thâo ba yua klei kreh knhâo ôh snăn boh mnga amâo mâo lu ôh, bi ara\ anei thâo ba yua leh klei kreh knhâo, snăn klei hd^p mda đ^ h^n, mâo êa drao răng mgang mnơ\ng pla mjing, mâo hbâo pruê, rah pla djo\ yan. Êngao ana\n knu\k kna lo\ duh bi liê mkra mjing knơ\ng mbông êa mâo êa jua kơ mnuih [uôn sang krih mđoh kơ mnơ\ng pla mjing. Klei hd^p mda jăk h^n, h^t mđao h^n”.

      Klei hd^p đ^ kyar, mnuih [uôn sang Bon Bu Jarah mtru\t mjhar anak ]ô nao sang hra\ mơar. Ara\ anei hđeh hlăm [uôn nao sang hra\ mơar djo\ thu\n, hđeh hriăm jih gưl 3, lehana\n nao hriăm cao đẳng, đại học lu h^n.. Hlăm brua\ bi ktưn khăp ]ia\ng kơ lăn ]ar mâo leh mnuih [uôn sang Bon Bu Jarah sai ai hluê gưt. Mâo leh klei myun mâo Đảng, Knu\k kna mơ\ng gưl dlông hlo\ng kơ ]ar hriê ]ua\ ]hưn. Hồ Thuận, Khua brua\ Đảng sa\ Nghĩa Thắng, brei thâo: “Bon Bu Jarah mâo leh klei đ^ kyar, răng mgang kjăp klei êđăp ênang yang [uôn, mđ^ kyar dhar kreh, msir klei ư\ êpa bi hro\ klei [un knap. Mnuih [uôn sang hd^p hơ^t ênang, hluê gưt hdră êlan mơ\ng Đảng, knu\k kna, ru\ mdơ\ng lehana\n răng kriê jing Bon Dhar kreh”.

      Mơ\ng sa kr^ng [un [in knap m`ai bo\ ho\ng boh bom min leh klei bi blah ngă, Bon Bu Jarah ara\ anei hlăk mâo klei bi mlih. Ana\n yơh jing boh mơ\ng kia\ kriê kngan, klei m^n mơ\ng mnuih jho\ng ktang hla\m ênuk bi blah, kreh kriăng ma\ brua\ knua\ hlăm ênuk êđăp ênang. Di`u ngă leh, lehana\n hlăk hlê lo\ dơ\ng g^r msưh kdu\n klei [un [in, klei kthu\l mluk, ]ia\ng mđ^ kyar klei hd^p mda, đru bi ru\ mdơ\ng [uôn sang pô sah pro\ng mdro\ng jing./.

                                  Y Khem pô ]ih hlo\ng ra\k.