VOV4.Êđê - Ƀri bi hdơr 50 thŭn klei blah dưi ti êlan mrô 9 – Dhŭng Lao 1971, aguah mbrue (19/3) Phŭn bruă lĭng kahan kiă kriê mbĭt hŏng bruă Đảng čar Quảng Trị mkŏ mjing klei trông čhai kreh knhâo hŏng akŏ: “Klei blah dưi êlan mrô 9 – Dhŭng Lao 1971 – klei tŭ dưn hƀuê ênuk lehanăn klei sĭt”. Êbeh 80 klei hâo mdah, ba bi trông ti anôk bi kƀĭn anei čiăng mâo klei hlak mblang kluôm ênŭm hĭn, êlam hĭn mă dŭm klei hriăm kơ hƀuê ênuk mâo klei tŭ dưn yuôm bhăn hlăm klei hlak mblang, lehanăn klei sĭt kơ bruă gưl dlông Đảng, phŭn bruă kđi čar bruă Đảng kahan, lehanăn phŭn bruă lĭng kahan kiă kriê lehanăn gĭt gai mâo mjing leh klei dưi prŏng ti êlan mrô 9 – Dhŭng Lao 1971. Blŭ hrăm ti anôk bi kƀĭn anei, Thượng tướng Nguyễn Tân Cương k’iăng khua phŭn bruă lĭng kahan mñă: Boh tŭ dưn klei trông čhai srăng đru mguôp hlăm klei hlue ngă tŭ jing bruă tuh tia mđĭ kyar lehanăn răng mgang klei êđăp ênang lăn čar Việt Nam yang ƀuôn ngă phŭn hlăm boh klei ară anei./.

Y-Khem pô mblang