Hŏng 1.700 anôk bruă duh mkra mrâo mkŏ mjing mơ̆ng akŏ thŭn 2026 truh kơ ară anei, kluôm čar Dak Lak ară anei mâo 19.575 anôk bruă duh mkra êngao knŭk kna ngă bruă, hŏng ênoh prăk mâo bi mklă giăm 80 êbâo êklai prăk. Hŏng klei đĭ kyar kơ ênoh anôk bruă duh mkra, hnư hrui wĭt ngăn prăk knŭk kna ti čar ăt đĭ.

Hluê si Nguyễn Anh Tuấn, Khua anôk bruă jia čar Dak Lak, bruă lŏ mâo 1.700 anôk bruă duh mkra mrâo hŏng lu mta bruă jing klei bi êdah jăk hŏng êpul êya anôk bruă duh mkra lehanăn wăl anôk duh bi liê mnia mblei ti alŭ wăl. Anei amâo djŏ knŏng jing tur knơ̆ng yuôm bhăn čiăng mtrŭt mđĭ kyar bruă duh mkra – ala ƀuôn, ƀiădah lŏ mđĭ hnư hrui wĭt kơ alŭ wăl, mjing boh kdrŭt hluê ngă mta kñăm đĭ kyar bruă duh mkra dua mrô mơ̆ng čar hlăm thŭn 2026 lehanăn wưng ti anăp./.