Aguah 9/7, ti Hà Nội, Anôk gĭt gai bruă mlih mrô hlăm dŭm anôk bruă Đảng mkŏ mjing klei bi kƀĭn ksiêm dlăng boh tŭ 6 mlan akŏ thŭn leh anăn pŏk ngă bruă klam hlăm wưng kơ anăp. Blŭ hrăm gĭt gai, Khua Anôk dlăng bruă Đảng Trần Cẩm Tú mtă mjêč msir mgaih klei kpăk đuôm kluôm hlăm dŭm hruê yua lu đei tơdah mŭt hlăm kdrăp “Hră đảng viên điện tử”.

 Klei hưn mdah hlăm klei bi kƀĭn brei ƀuh, bruă mlih mrô hlăm dŭm anôk bruă Đảng mâo lu klei bi mlih jăk kơ klei bi leh klei bhiăn, mkŏ mjing tur knơ̆ng leh anăn pŏk ngă hdră yua mbĭt. Khădah snăn, hnơ̆ng dŭm hdră bruă adôk êmưt, boh tŭ dưn ba yua ka hrăm mbĭt. Khua Anôk dlăng bruă Đảng jao kơ Adŭ bruă Đảng gưl dlông hnưm mâo gru hmô mlih mrô gưl čar, gưl să; mbĭt anăn bi hgŭm hŏng dŭm anôk bruă, phung mkŏ mjing msir mgaih klei gun kpăk kơ hdră mnêč, bi hrŏ klei ngă hlăm kdrăp gĭt gai ngă bruă.