Ară anei, jih jang klang kleh dưi ba nao ti msat lĭng kahan Bình Thuận čiăng ba jao kơ dŭm alŭ wăl, mprăp mkŏ mjing klei dơr djiê hluê djŏ si klei kčah mtrŭn. Mbĭt hŏng anăn, anôk bruă djŏ tuôm ngă leh bruă mă mta ksiêm dlăng, mrô bi mklă klei hâo hưn leh anăn mdưm mrô bi mklă. Bruă anei mkăp klă anăp kơ bruă ksiêm dlăng ADN čiăng hnưm thâo anăn phung jhŏng ktang djiê êngiă.

Hlue si pô bi ala Anôk bruă gĭt gai lĭng kahan čar Lâm Đồng, gưl bi kƀĭn anei jing boh tŭ mơ̆ng klei bi mklă mjêč leh anăn klă klơ̆ng. Leh tŭ mă klei akâo mơ̆ng Êpul gơ̆ng hdră êlan să Hoà Thắng, anôk bruă mă leh bruă hŏng phung thâo klă kơ hƀuê ênuk, găp djuê phung djiê êngiă, mbĭt anăn tĭng dlăng klei čih pioh dŭm klei bi blah ti alŭ wăl čiăng bi mklă djŏ anôk kuai mă.