Klei bi kƀĭn mâo klei nao hgŭm mơ̆ng 310 čô bi ala jing phung mâo bruă tŭ dưn leh anăn găp djuê phung djiê êngiă hriê mơ̆ng 34 čar, ƀuôn prŏng hlăm kluôm ala. Hlăm klei bi kƀĭn, Khua knŭk kna mbĭt hŏng phung khua gĭt gai Đảng, Knŭk kna mđup brei mnơ̆ng hdơr knga kơ phung Amĭ Việt Nam Jhŏng ktang, mđup brei mnơ̆ng dhơ̆ng kơ găp djuê phung djiê êngiă leh anăn mtrŭt mjhar hdră bruă ‘hdơr knga tla ai”.

Blŭ hrăm ti anôk bi kƀĭn, Khua knŭk kna Lê Minh Hưng mñă klă bruă klam kriê pioh, čih yap dŭm boh tŭ dưn dưi mâo mơ̆ng klei săn asei prŏng prĭn mơ̆ng dŭm gưl phung nao êlâo; mtă brei lŏ dơ̆ng bi leh hdră mtrŭn mđing truh kơ mnuih mâo bruă tŭ dưn,  mđĭ klei tui duah, bi kƀĭn, bi mklă anăn phung lĭng kahan djiê êngiă, kriê dlăng jăk hĭn klei hdĭp dŭm gŏ sang knŭk kna dlăng ba leh anăn mđĭ hĭn bruă mjuăt bi hriăm knhuah gru khăp kơ lăn čar kơ ênuk gưl hđeh, iêo mthưr kluôm yang ƀuôn sa ai hŏng bruă kriê dlăng mnuih mâo bruă tŭ dưn hŏng cách mạng, mđing truh knăm bi hdơr 80 thŭn hruê phung kahan êka êkeh–djiê êngiă.