Hdră rŭ mkra sang măi pui kmlă hạt nhân Ninh Thuận 1 ti să Phước Dinh truh hruê 14/6 mrâo hrui wĭt mă êbeh 110 ha lăn, ênoh brei čan mâo hlăm brô 44%. Bruă ruh mgaih anôk ala dôk tuôm hŏng klei dleh dlan kyua hdră mơar čuăl mkă, hră mơar lăn leh anăn hdră mơar hdră kdrêč dôk mâo klei kpleh kơ hnơ̆ng, ênhă ngă bruă.

Ti sang măi pui kmlă hạt nhân Ninh Thuận 2 ti să Vĩnh Hải, ênhă hrui wĭt mâo êbeh 300ha, ênoh brei čan êbeh 1.200 êklai prăk, mâo êbeh 74%. Ƀiădah ăt adôk 40 boh klei čiăng bi klă hră mơar, čiăng bi leh tur knơ̆ng hdră bhiăn hluê si klei čuăn. Ti anăp klei anăn, čar Khánh Hoà mñă kơ dŭm alŭ wăl kñăm jih ai dưi, ksiêm dlăng grăp boh klei čiăng ruh mgaih klei dleh dlan, mđing tal êlâo bi leh dŭm mta bruă gưl msir mtam. Mbĭt hŏng anăn, bruă dăp anôk dôk mrâo čiăng dưi ngă hrăm mbĭt, rơ̆ng kơ bruă mkŏ mkra găl guôp hŏng klei găl hdră duh ƀơ̆ng leh anăn klei mưng hdĭp mda mơ̆ng mnuih ƀuôn sang.