Bruă anei mâo mkŏ mjing hlăm djăp êpul bruă êdam êra, kñăm đru ti dŭm anôk bi lông, mâo dŭm dŭm êbâo čô hđeh êdam êra bi đru. Hlăm anăn, Êpul bruă êdam êra ti dŭm boh sang hră gưl prŏng, gưl krah mkŏ mjing leh truh 12 êpul ba anăp, hŏng êbeh 300 čô nao hgŭm, êpul bruă êdam êra sang hră gưl 3 lehanăn bruă êdam êra dŭm boh ƀuôn hgŭm, alŭ wăl knơ̆ng mâo truh 273 êpul nao đru hđeh bi lông.

Êlâo kơ klei bi lông, dŭm êpul nao đru mđĭ hĭn leh bruă hâo hưn “Klei đru hđeh nao bi lông”, đru kơ klei lŏ bi hdơr klei hriăm, ktrâo atăt kơ klei ruah bruă čiăng hriăm, lehanăn mđĭ ai phung hđeh nao bi lông. Hdră anei mâo đru leh lu klei găl kơ phung hđeh nao bi lông hơĭt ai tiê, kjăp klei bi lông yuôm bhăn anei./.