Ba mdah dŭm boh klei brei mă klei hriăm hlăm hdră bi hgŭm hluê ngă, čiăng bi mklă dŭm klei gun kpăk, dleh dlan hlăm klei bi hgŭm, Khua anôk bruă kbiƀn ala ba mdah leh 3 bruă klam yuôm bhăn čiăng kơ anôk bruă djŏ tuôm brei klei blŭ. Ñu mtă brei bi mlih mơ̆ng klei mĭn “Bruă hŏng tač êngao mkăp kơ klei bi mjĕ” jing “Bruă hŏng tač êngao mĭn mjing đĭ kyar”.

Grăp hdră mă bruă hŏng tač êngao brei mjing boh tŭ yuôm kơ hdră mđĭ kyar ala čar. Dŭm anôk bruă djŏ tuôm mđing hluê ngă jăk 5 hdră êlan: Klei thâo săng klă kơ kơhưm bruă hŏng tač êngao mơ̆ng anôk bruă kƀĭn ala hlăm hdră ngă bruă hŏng tač êngao kluôm, mrâo mrang mơ̆ng ala čar. Khua anôk bruă kƀĭn ala mtă brei bi mguôp kjăp klei bi kƀĭn trông anôk bruă kƀĭn ala hŏng mta kñăm jak iêo djăp klei găl mâo, kdrăp mrâo, pŏk mlar wăl anôk ngă bruă kơ ala čar, mđĭ klei găl mâo hlăm ala čar. Ăt ti anôk mă bruă, phung khua phŭn bruă hŏng tač êngao, Khua hlăm dhar bruă răng mgang klei êđăp ênang, bruă hŏng tač êngao, Adŭ bruă kƀĭn ala siñê leh klei bhiăn hgŭm bruă./.