Klei kƀĭn dưi mkŏ mjing čiăng hyuă kjăp Klei bi klă mrô 17 mơ̆ng Phŭn bruă kđi čar leh anăn dŭm mta phŭn hlăm hdră êlan čih mkra klei bhiăn wưng Bruă Kbĭn ala gưl 16, mbĭt anăn, kah mbha, bi trông kơ dŭm klei čuăn, mta phŭn hdră êlan leh anăn dŭm hdră êlan ngă bruă, rơ̆ng djŏ hdră kčah leh anăn hnơ̆ng jăk.

Hdră êlan bi klă 6 klei mĭn gĭt gai, 6 klei čiăn hŏng bruă đuh kra hdră bhiăn wưng Bruă Kbĭn ala gưl 16, mta phŭn jing: Rơ̆ng kơ bruă mkŏ mjing, bi kluôm hdră bhiăn ti gŭ klei gĭt gai kluôm dhuôm, kjăp mơ̆ng Đảng, hmao bi kluôm, bi klă hdră êlan mơ̆ng Đảng. Ksiêm duah mkra mlih kluom leh anăn lŏ dơ̆ng bi klă klơ̆ng hdră bhiăn phŭn, mkŏ mjing ênuk tur knơ̆ng hdră bhiăn dŭm mta bruă duh mkra - ala ƀuôn. čiăng bi klă bruă klam ksiêm duah, mkra mlih kluôm hdră bhiăn phŭn thŭn 2013 djŏ guôp hŏng boh sĭt, klei čuăn mđĭ kyar lăn čar hlăm wưng mrâo, mbĭt anăn bi klă 8 hdră tă čuh mkra hdră bhiăn phŭn nao mbĭt hŏng 171 bruă klam čiăng ngă hlăm wưng Bruă Kbĭn ala gưl 16.