Hlue si hdră mtrŭn mơ̆ng Khua knŭk kna, Trung tướng Trương Mạnh Dũng, Khua kahan êpul kahan 1 dưi ba nao, ruah ngă K’iăng Khua đru kčĕ. Thiếu tướng Trần Xuân Mạnh, K’iăng Khua kahan, Khua đru kčĕ Êpul kahan 1 mâo jao ngă bruă klam Khua kahan Êpul kahan. Blŭ hrăm ti anôk bi kƀĭn, Đại tướng Phan Văn Giang čih yap, bi mni kơ klei đru mguôp mơ̆ng gưl Trung tướng Trương Mạnh Dũng hlăm klei gĭt gai êpul kahan bi leh jăk bruă klam, răng kriê klei êđăp ênang alŭ wăl, mkŏ mjing klei êđăp ênang kjăp.

Hŏng Thiếu tướng Trần Xuân Mạnh, Đại tướng mtă hlăm bruă klam mrâo lŏ dơ̆ng mđĭ lar bruă klam, hŏng êpul bruă Đảng, Khua Anôk bruă êpul kahan 1 kƀĭn gĭt gai ngă jăk bruă klam lĭng kahan, mđĭ hnơ̆ng jăk, ai ktang bi blah; pral păn kjăp boh klei, amâo brei amâo klei amâo mprăp êlâo ôh. Mbĭt anăn, mđĭ mkŏ mjing krĭng răng mgang, bi mguôp mđĭ kyar bruă duh mkra - ala ƀuôn hŏng bruă răng mgang klei êđăp ênang; răng kriê klei bi hgŭm, hyuă kjăp klei bhiăn, kriê dlăng klei hdĭp mda lĭng kahan, đru bi leh jăk bruă klam mâo jao.