6 mlan akŏ thŭn, Nghệ An hluê ngă hrăm mbĭt bruă klam lĭng kahan, răng mgang lăn čar, krơ̆ng kjăp klei kdơ̆ng mblah, răng mgang kjăp klei dưi kiă kriê knông lăn leh anăn krơ̆ng kjăp klei hơĭt ti alŭ wăl.

Čih yap dŭm boh tŭ dưn mơ̆ng alŭ wăl, Đại Tướng Phan Văn Giang mñă kơ čar Nghệ An lŏ dơ̆ng uêñ mĭn hluê ngă tŭ dưn Hdră bruă 500 hruê mlam tui duah, bi kƀĭn, bi klă anăn lĭng kahan djiê êngiă mđing truh bi hdơr 80 thŭn hruê kahan êka - djiê êngiă. Čar čiăng mâo klei gĭt gai ktang phĭt bruă bi klă hlei pô dŭm bĭt msat ka mâo klei čih hưn ti dŭm msat, đru ngă klei bi hdơr kơ phung djŏ ktang djiê êngiă leh anăn bi mâo djăp klei čiăng mơ̆ng găp djuê.