Anei jing mta phŭn dưi mâo lu phung bi ala hlăk mblang hlăm klei kƀĭn trông kreh knhâo gưl čar mơ̆ng Sang hră kđi čar čar Dak Lak mkŏ mjing aguah mbruê 27/5. Leh mkŏ dăp, kluôm čar mơ̆ng 184 anôk bruă gưl să hrŏ adôk 102 anôk bruă, mbĭt anăn lu bruă klam mơ̆ng gưl kdriêk dưi mtrŭt kơ nah gŭ.

Khădah sơnăn ƀiădah, klei msir hră mơar djŏ hdră kčah ăt mâo êbeh 97%, êbeh 83% hră mơar dưi ngă online. Lu klei blŭ mguôp lač gưl să adôk kƀah phung mă bruă thâo hlăm bruă ngăn prăk, lăn ala, duh bi liê, hưn mthâo mrâo mrang. K’iăng khua êpil klam bruă êpul bi ala Bruă Kbĭn ala Nguyễn Thị Thu Nguyệt akâo brei hnưm mâo klei đru čiăng krơ̆ng kơ mnuih mă bruă hnơ̆ng jăk wĭt ti nah gŭ.