Daklak drông klang kleh 27 čô phung êngiă asei ti Campuchia wĭt hŏng ƀuôn sang pô
Thứ sáu, 10:49, 05/06/2026
Y-Khem Niê/ VOV Tây Nguyên
Y-Khem Niê/ VOV Tây Nguyên
VOV.Êđê- Tlam mbrue (4/6), Bruă Đảng, bruă sang čư̆ êa, lehanăn mnuih ƀuôn sang djăp djuê ana čar Daklak mkŏ mjing kdrăm k’ah knăm čang ênuh, lehanăn ba dơr klang kleh 27 čô kahan Việt Nam êngiă asei ti lăn čar Campuchia mâo leh Êpul K51 kuai ba wĭt hlăm yan bhang không thŭn 2025 - 2026.
K’iăng khua bruă kƀĭn ala, Thượng tướng Nguyễn Doãn Anh mbĭt hŏng epeul phung bi ala dŭm phŭn dhar bruă gưl dlông nao ti knăm dơr ti msat lĭng kahan čar Daklak. Tui si Êpul tui duah kuai ba wĭt klang kleh phung êngiă asei, lehanăn bi klă anăn phung săn asei, leh giăm 7 mlan hiu hlăm dliê ti čar Mondulkiri, ala čar Campuchia, knuă druh lĭng kahan êpul K51 mâo duah lehanăn kuai ba wĭt leh klang 27 čô phung êngiă asei wĭt kơ ƀuôn sang.
Anei jing klang kleh ka thâo kral ôh anăn. Đại tá Đinh Văn Hưng, Khua kiă kriê knơ̆ng bruă kahan čar Daklak brei thâo, boh tŭ dưn mâo anei, jing klei gĭr prŏng mơ̆ng phung knuă druh, lĭng kahan čar, boh nik êpul K51 tui duah hlăm krĭng lăn čư̆ čhiăng, dleh dlan hlăm klei tui duah./.
Viết bình luận