Aguah mbruê 4/6, ti anôk bi kƀĭn ala čar (Hà Nội), Klei kƀĭn prŏng 14 Công đoàn Việt Nam wưng thŭn 2026 - 2031 ngă klei kƀĭn kluôm hŏng klei nao hgŭm mơ̆ng Khua gĭt gai Đảng, Khua Lăn čar Tô Lâm mbĭt hŏng lu phung khua gĭt gai, khua gĭt gai hđăp Đảng, Knŭk kna. Hŏng hdră êlan “Bi mguôp - ngă phŭn - hdră bhiăn, mlih mrâo - đĭ kyar”, klei kƀĭn kñăm kơ bruă hluê ngă hdră mtrŭn mrô 13 Công đoàn Việt Nam wưng thŭn 2023 - 2026, ksiêm wĭt bruă knuă Êpul gĭt gai gưl dlông Êpul hgŭm phung mă bruă Việt Nam gưl 13, bi klă mta kñăm, bruă klam leh anăn dŭm klei kdlưn hĭn kơ wưng păn bruă mrâo.

Blŭ hrăm gĭt gai, Khua gĭt gai Đảng, Khua Lăn čar Tô Lâm mñă klă phung ngă bruă jing êpul nao êlâo hlăm bruă cách mạng Việt Nam, klă sĭt mkŏ mjing mnơ̆ng dhơ̆ng leh anăn mkŏ mjing tur knơ̆ng bruă duh mkra lăn čar. Mbĭt anăn mñă kơ êpul bruă công đoàn mlih mrâo pral hĭn, êlam hĭn leh anăn klă klơ̆ng hĭn, knăm kơ 6 bruă klam phŭn, mkŏ mjing êpul phung ngă bruă mrâo mrang, kjăp ktang, mđĭ klei thâo ngă bruă, klei thâo yua kdrăp mrô leh anăn ai dưi găl guôp kơ mnuih mă bruă hlăm wưng bruă duh mkra mrâo.