Tlam hruê 4/6, k’iăng Khua Knŭk kna Phạm Gia Túc nao hgŭm leh anăn mâo klei blŭ hrăm pŏk klei kƀĭn. Hŏng akŏ “Blŭ hrăm klă klơ̆ng - êlan nao mđing truh êdei anăp”, klei kƀĭn mâo 150 gưl bi trông thơ̆ng kơ bruă, kñăm kơ dŭm boh klei prŏng msĕ si bruă duh mkra tar rŏng lăn plah wah klei bi kdơ̆ng leh anăn bi mguôp, lŏ mkŏ wĭt bruă duh mkra Russia  čiăng lŏ wĭt djŏ êlan đĭ kyar, dŭm kdrăp mrâo bi klă êdei anăp, yang ƀuôn hlăm wưng kdrăp mrâo mrang, hnơ̆ng jăk leh anăn dŭm gru hmô mđĭ kyar mrâo.

Blŭ hrăm pŏk klei bi kƀĭn, k’iăng Khua Knŭk kna Phạm Gia Túc bi myuôm dŭm klei bi trông kñăm kơ dŭm boh klei mrâo leh anăn hdră êlan msĕ si bi mlih gru hmô đĭ kyar, bi mlih mrô, klei thâo mĭn anak mnuih mkra mjing, klei êđăp ênang bruă duh mkra, bruă klam dŭm anôk bruă duh mkra mrâo đĭ leh anăn klei đĭ kyar kluôm.