Hlăm klei kƀĭn trông, čar Dak Lak hưn mdah hră anăn dŭm mta bruă mđing tal êlâo iêo jak klei duh bi liê, kñăm kơ bruă tuh tia mkra mjing mrâo mrang leh anăn mkra mjing êlam, tuh tia mkra mjing, pui kmlă doh, logistic leh anăn bruă mkŏ mkra. Bruă sang čư̆ êa čar Dak Lak jao klei bi klă tŭ ư hdră êlan duh bi liê kơ 25 hdră, hŏng ênoh bi liê êbeh 40.290 êklai prăk.

Čar ăt bi siñê hră bi hdơr bi mguôp hŏng 78 čô duh bi liê, mâo ênoh prăk bi liê mphŭn êbeh 1 êklăk êklai prăk. Blŭ hrăm hlăm klei kƀĭn, Đại tướng Phan Văn Giang, Khua phŭn bruă lĭng kahan mñă ktang, bruă hưn mdah klei čuăl mkă mâo boh tŭ dưn yuôm bhăn hŏng klei đĭ kyar mơ̆ng Dak Lak hlăm wưng mrâo. Knŭk kna hmăng hmưi Dak Lak srăng ba yua klei găl čiăng mkŏ mjing boh kdrŭt đĭ kyar mrâo, mđing hnơ̆ng jăk, ai bi ktưn mơ̆ng bruă duh mkra.