Hruê mbruê 18/6, Êpul gĭt gai hluê ngă mta kñăm đĭ kyar bruă duh mkra dua ênoh mrô čar Dak Lak wưng thŭn 2026 - 2030 mkŏ mjing klei kƀĭn tal 3 čiăng bi klă boh tŭ dưn mđĭ kyar bruă duh mkra ala ƀuôn 6 mlan akŏ thŭn leh anăn bi êdah hdră êlan mđĭ kyar hlăm wưng kơ anăp.

Čiăng mâo mta kñăm đĭ kyar mơ̆ng 10% kơ dlông hlăm thŭn 2026, đĭ kyar bruă duh mkra hlăm 6 mlan knhal jih thŭn mơ̆ng čar Dak Lak srăng mâo hnơ̆ng đĭ kyar mơ̆ng 11,8% - 12%.

Hluê si Lương Nguyễn Minh Triết, Khua bruă Đảng čar Dak Lak, phung khua hlăm êpul gĭt gai, Bruă sang čư̆ êa čar mâo leh lu klei gĭr hlăm bruă ktuê dlăng dŭm ênoh čuăn đĭ kyar, ruh mgaih klei dleh dlan kơ dŭm hdră leh anăn knơ̆ng bruă. Mbĭt anăn, mñă kơ dŭm knơ̆ng, dhar bruă, alŭ wăl lŏ dơ̆ng ruh mgaih dŭm hdră dôk kpăk, mtrŭt mđĭ bi lông blei klei dưi yua lăn, ktang phĭt brei čan duh bi liê bruă Knŭk kna leh anăn bi leh djăp hră mơar čiăng kơ dŭm hdră hnưm dưi hluê ngă, mkŏ mjing boh kdrŭt đĭ kyar kơ dŭm mlan knhal jih thŭn.