Hluê si klei bi mklă mơ̆ng Anôk kriê dlăng bruă Đảng čar Dak Lak, Anôk bruă Đảng dhar bruă mặt trận čar leh anăn dŭm êpul êya čar Dak Lak mâo 9 anôk bruă Đảng, hŏng 315 čô đảng viên. Anôk kriê dlăng bruă Đảng čar bi mklă Y Giang Gry Niê Knơng, K'iăng khua bruă Đảng čar, Khua dhar bruă mặt trận čar, păn ngă Khua dlăng bruă wưng thŭn 2025-2030.

Bruă Đảng Êpul gơ̆ng bruă ƀuôn sang čar Dak Lak mâo 4 êpul bruă đảng hlăm anôk bruă, hŏng 60 čô đảng viên. Cao Thị Hòa An, Kiăng khua bruă Đảng čar, Khua Êpul gơ̆ng bruă ƀuôn sang čar, dưi jao ngă Khua bruă Đảng Êpul gơ̆ng bruă ƀuôn sang čar wưng thŭn 2025-2030. Mbĭt anăn, Anôk dlăng bruă Đảng čar Dak Lak bi mklă bi mlih anăn Anôk bruă hâo hưn mtô mblang leh anăn čung ba mnuih ƀuôn sang mơ̆ng bruă Đảng čar jing Anôk bruă hâo hưn mtô mblang mơ̆ng bruă Đảng čar; bruă klam đru kčĕ kơ bruă čung ba mnuih ƀuôn sang dưi ba nao kơ bruă Đảng Êpul gơ̆ng bruă ƀuôn sang leh anăn dŭm êpul bruă čar. Dua êpul bruă Đảng mrâo mjêč bi leh klei bhiăn mă bruă, mbha bruă klam klă klơ̆ng, rơ̆ng kơ klei mkŏ mjing leh anăn bruă mă ngă bruă hŏng klei pral, nanao leh anăn rơ̆ng kơ klei lŏ čuê.