Dak Lak mđup brei anăn knăl “Amĭ Việt Nam jhŏng ktang” leh anăn mđup brei 67 mêđai mă bruă
Thứ ba, 10:15, 28/07/2026
Y-Ƀel Êban/ VOV Tây Nguyên
Y-Ƀel Êban/ VOV Tây Nguyên
VOV.Êđê- Hruê mbruê 27/7, mbĭt hŏng kluôm ala bi hdơr 79 thŭn hruê Kahan êka êkeh - djiê êngiă 27/7, bruă Đảng čar, Êpul gơ̆ng bruă ƀuôn sang, Bruă sang čư̆ êa, dhar bruă mặt trận čar Dak Lak kdrưh kơăm mkŏ mjing knăm mđup brei anăn knăl ktưn hưn Knŭk kna “Amĭ Việt Nam jhŏng ktang” leh anăn mđup brei dŭm klei pah mni yuôm bhăn mơ̆ng Khua lăn čar.
Hŏng klei hdơr kngă amâo mâo knhal, čar Dak Lak hŏng klei mpŭ mđup brei anăn knăl ktưn hưn Knŭk kna “Amĭ Việt Nam jhŏng ktang” hŏng 7 čô amĭ Việt Nam jhŏng ktang. Wăt kơ diñu amâo lŏ dôk hdĭp ôh čiăng tŭ mă anăn knăl yuôm bhăn hruê anei, ƀiădah dŭm klei đru mguôp leh anăn klei săn asei mơ̆ng diñu mâo nanao Đảng, Knŭk kna, mnuih ƀuôn sang hdơr lă lar mbĭt hŏng ƀuôn sang, lăn čar.
Hlăm knăm, čar Dak Lak mđup brei mêđai mă bruă mrô 1, mrô 2 leh anăn mrô 3 hŏng 67 čô. Anei jing klei pah mni yuôm bhăn, čih yap mơ̆ng Đảng, Knŭk kna hŏng klei mă bruă jih ai tiê, đua klam leh anăn dŭm klei đru mguôp mơ̆ng grăp čô mâo klei duh myơr êdah êdu hlăm bruă mkŏ mjing lăn čar, ƀuôn sang.
Viết bình luận