Leh hmư̆ klei hưn mdah leh anăn klei blŭ, Khua gĭt gai Đảng, Khua lăn čar Tô Lâm čih yap leh anăn bi mni kơ Bruă Đảng, Khua gĭt gai Anôk bruă ksiêm dlăng knŭk kna leh anăn jih bruă Ksiêm dlăng gĭr msir mgaih klei dleh dlan, pral pŏk ngă gru hmô mkŏ mjing mrâo, bi leh hnơ̆ng bruă lu snăk leh anăn mâo lu klei tŭ dưn jăk.

Khua gĭt gai Đảng, Khua lăn čar Tô Lâm mtă hlăm wưng kơ anăp, mlih mrâo bruă ksiêm dlăng brei dưm hlăm klei kluôm mlih mrâo hdră gĭt gai mơ̆ng Đảng; bi leh Knŭk kna mâo klei dưi yang ƀuôn ngă phŭn; mkŏ dăp êpul mă bruă, ba yua knŭk kna alŭ wăl 2 gưl; mbha gưl, mbha klei dưi leh anăn mđĭ kriê dlăng ala čar. Mkŏ mjing bruă ngă mơ̆ng dhar bruă brei sa anôk, sa anăn, klă mngač, păn kjăp nah gŭ, ksiêm dlăng klei dưi, krơ̆ng  kjăp klei bhiăn, răng mgang mnuih ƀuôn sang, duh kơ klei mđĭ kyar.