Ti gŭ klei gĭt gai mơ̆ng Khua Bruă Kbĭn ala Trần Thanh Mẫn, hruê mbruê 27/7, Dhar Bruă Kbĭn ala lŏ dơ̆ng mkŏ mjing klei bi kƀĭn tal 4, brei klei blŭ mguôp kơ hdră mtrŭn mơ̆ng Bruă Kbĭn ala kơ bruă gang mkhư̆ phung ngă soh leh anăn bruă ngă soh hŏng hdră bhiăn lăn čar, klei ngă bruă mơ̆ng anôk bruă phat mkra yang ƀuôn, sang phat mkra yang ƀuôn leh anăn klei ƀuah mkra…

Ăt hlăm klei kƀĭn, Dhar Bruă Kbĭn ala blei klei blŭ mguôp hŏng hdră hưn mdah mơ̆ng Knŭk kna kơ Hdră mtrŭn klei čuăn hdră êlan phŭn hŏng bruă mkŏ mjing wăl krah ktuê hang ksĭ ti ƀuôn prŏng Đà Nẵng. Hluê anăn, hdră hŏng ênhă hlăm brô 1500ha, ênoh duh bi liê êbeh 400 êbâo êklai prăk, dưi tă hdră mđĭ kyar jing wăl krah mrâo mrang, knar hŏng lu ala čar, wăl anôk bi kƀĭn klei thâo mĭn, ênoh duh bi liê, kdrăp mrâo leh anăn mbruă. Đru pŏk mlar wăl anôk đĭ kyar, mkŏ mjing boh kdrŭt đĭ kyar mrâo mơ̆ng bruă duh mkra thâo mĭn, găl guôp hŏng klei čuăn bi mlih gru hmô đĭ kyar lăn čar hlăm ênuk mrâo.