Hluê si klei bi mklă, Cao Thị Hòa An, Khua Êpul gơ̆ng bruă ƀuôn sang čar păn ngă Khua Anôk bruă gĭt gai. Anôk gĭt gai mâo bruă klam đru kčĕ hŏng Anôk kriê dlăng bruă Đảng čar, Anôk bruămbruă Đảng čar gĭt gai, gĭt gai pŏk ngă tŭ dưn Hdră 500 hruê mlam hluê si klei akâo mơ̆ng Anôk bruă gĭt gai ala čar lehanăn Anôk gĭt gai kahan krĭng 5 kơ bruă tui duah, bi kƀĭn lehanăn bi mklă klang kleh phung kahan djiê êngiă.

Knơ̆ng bruă mdrao mgŭn čar Dak Lak dưi jao jing anôk bruă thơ̆ng mơ̆ng Anôk bruă gĭt gai, bi hgŭm hŏng Knơ̆ng bruă kiă kriê bruă knuă rơ̆ng klei găl ngă bruă, bi mklin boh klei leh anăn đru kčĕ hlue ngă dŭm bruă klam dưi jao. Lương Nguyễn Minh Triết, Khua bruă Đảng čar Dak Lak brei thâo, hluê ngă "Hdră 500 hruê mlam mtrŭt mđĭ hdră tui duah, bi kƀĭn lehanăn bi mklă anăn klang lĭng kahan djiê êngiă" jing bruă klam mjêč êdi, brei pŏk ngă kjăp lehanăn mđing gĭt gai čiăng mâo boh tŭ dưn jăk hĭn.