Ti anôk mă bruă, Êpul ksiêm dlăng mđing bi trông kơ hdră mtô mblang, bi hriăm klei thâo yua Internet êđăp ênang kơ phung hđeh; klei bhiăn bi hgŭm plah wah gŏ sang, bruă knŭk kna alŭ wăl hlăm hdră kriê dlăng, ksiêm dlăng phung hđeh hlăm êlan mạng; bruă tŭ mă msir mghaih klei hâo hưn djŏ tuôm kơ phung hđeh hlăm êlan mạng.

Hluê klei hưn, wưng thŭn 2021 truh kơ ară anei, Dak Lak mkŏ mjing leh 27 adŭ mjuăt bi hriăm kơ klei dưi phung hđeh, gang mkhư̆ klei čăm biêng, klei ngă jhat ti phung hđeh lehanăn klei thâo răng mgang phung hđeh hlăm êlan mạng. Lu hdră hâo hưn, mtô mblang dưi pŏk ngă ti sang hră, êpul êya mnuih ƀuôn sang dôk lehanăn hlăm kdrăp hâo hưn. Dŭm anôk bruă djŏ tuôm mơ̆ng Dak Lak ăt tŭ mă, msir mghaih êbeh 150 boh klei phung hđeh mâo arăng ngă jhat, kbiă hriê mơ̆ng klei amâo thâo bi djŏ hlăm êlan mạng, ƀuăn bi tuôm čiăng msir mghaih klei amâo thâo bi djŏ amâo dah hưn mthâo video hlăm mạng, lu jing phung hđeh gưl dua./.