Phung hriăm srăng mâo klei ktrâo atăt, dưn yua lehanăn kiă kriê jih jang hră mơar hlăm bruă pô; ba yua atur knơ̆ng bruă mrôhlăm klei kiă kriê, lehanăn mâo klei trông čhai, ruh mgaih jih jang klei dleh dlan hlăm klei mă bruă nah gŭ. Bruă anei dưi ngă êjai bruă sang hră mơar čar mđĭ hĭn klei ba yua kdrăp mrô, hlue djŏ hŏng hdră êlan mđĭ kyar klei kreh knhâo, kdrăp mrâo, mlih mrâo hŏng klei knhêč, lehanăn mđĭ kyar kjăp bruă sang hră mơar.

Tui si phung khua kiă kriê knơ̆ng bruă sang hră čar Daklak, bruă knuă hlăk dôk nao hlăm klei bi mlih jih jang djăp mta hră mơar hlăm kdrăp mrô sơăi, lehanăn jih jang bruă kiă kriê dưi mâo klei bi hgŭm kjăp hŏng dŭm anôk bruă kdrăp mrâo, kñăm mđĭ hĭn klei bi mlih mrô kluôm ênŭm hlăm wưng thŭn 2026-2030.