Thŭn 2026 jing thŭn tal êlâo hluê ngă mta kñăm đĭ kyar “2 ênoh mrô” kơ wưng thŭn 2026–2030, mdưm klei čiăng kơ anôk bruă Ngăn prăk mrâo dưi đru kčĕ rơ̆ng klei hơĭt kjăp bruă duh mkra kluôm, ksiêm dlăng klei prăk luič ênoh, ƀiă bi kƀĭn, mbha leh anăn yua tŭ dưn dŭm ai dưi čiăng mtrŭt mđĭ klei đĭ kyar pral leh anăn hơĭt kjăp.

Phŭn bruă ngăn prăk mjêč bi mklă leh Hdră mtrŭn Klei bi kƀĭn bruă Đảng tal XIV, dŭm Hdră Mtrŭn, Klei klah čŭn mơ̆ng Gưl dlông, Phŭn bruă kđi čar, Anôk dlăng bruă Đảng, Anôk bruă kƀĭn ala, klei gĭt gai mơ̆ng Knŭk kna, Khua knŭk kna jing dŭm hdră bruă, hdră êlan klă klơ̆ng čiăng hmao ngă tŭ dưn hlăm 6 mlan akŏ thŭn 2026; bi mguôp kjăp hŏng dŭm phŭn, dhar bruă, alŭ wăl čŏng pô đru kčĕ, hluê ngă hrăm mbĭt, mbruă, mĭn mrâo, klă sĭt, tŭ dưn, mâo mta kñăm, boh phŭn, rơ̆ng hnơ̆ng bi leh lu bruă klam; hmao ngă djŏ klei čiăng pŏk ngă dŭm Hdră mtrŭn kdlưn hĭn mơ̆ng Phŭn bruă kđi čar; mjing klei bhiăn, hdră êlan mdê hjăn kơ đa đa alŭ wăl phŭn leh anăn tur knơ̆ng hdră bhiăn kơ dŭm gru hmô bruă duh mkra mrâo.