Dŭm hdră mtrŭn mđing kơ bruă bi leh hdră mkŏ dăp anôk bruă, mnuih mă bruă, mkra mlih Hdră čuăl mkă čar wưng thŭn 2021 – 2030, hnơ̆ng trah dlăng truh thŭn 2050; mkra mlih bruă čuăl mkă djŏ tuôm kơ lăn ala, dliê, mkăp djăp klei găl mâo duh kơ bruă knŭk kna; pŏk ngă hdră mtrŭn brei čan prăk; klei kơ bruă mă, hdră đru kơ ala ƀuôn lehanăn kriê pioh dhar kreh čing čhar.

Klei kƀĭn bi mklă thŭn 2026 mâo boh tŭ yuôm hlăk Dak Lak dôk bi mlih jing gru hmô bruă knŭk kna 2 gưl. Hlăk êjai GRDP 3 mlan gưl 1 knŏng mao 7,47%, ƀiă hĭn mta kñăm jih thŭn mơ̆ng 10% kơ dlông, Êpul gơ̆ng bruă ƀuôn sang čar mtă kơ dŭm knơ̆ng, dhar bruă mjêč bi mklă hdră mtrŭn hluê ai tiê “6 klă – 1 dăl jih kluôm wưng” rơ̆ng klă mnuih, klă bruă, klă đua klam lehanăn boh tŭ hluê ngă.