Anei jing boh phŭn dưi bi tŭ ư hlăm klei bi kƀĭn phung bi ala tal I mơ̆ng Êpul hgŭm. Hlăm wưng êgao, dŭm gưl Êpul gru bi kal hrah mơ̆ng dua čar Dak Lak leh anăn Phú Yên êlâo kơ bi mŭt mbĭt pŏk ngă leh lu bruă ngă đru kơ mnuih knap mñai hŏng ênoh êbeh 403 êklai prăk, đru êbeh 1.3 êklăk gưl čô;  lu hdră msĕ si Tết klei khăp, mlan đru kơ mnuih knap mñai, myơr êrah, gang mkhư̆ klei yan adiê ngă êbeh hnơ̆ng kčah.

 Gĭt gai Klei bi kƀĭn, Nguyễn Thiên Văn, Kiăng Khua Knơ̆ng bruă sang čư̆ êa čar Dak Lak mtă kơ Êpul hgŭm gru bi kal hrah čar lŏ dơ̆ng mlih mrâo hdră ngă bruă hlue si hdră klă sĭt, hơ̆ng kơ bruă, mtrŭt mđĭ klei mlih mrô, mđĭ boh tŭ dưn klei iêo jak, kriê dlăng ai dưi leh anăn bi lar bruă klam kmeh gơ̆ng hlăm bruă đru kơ mnuih knap mñai.