Gia Lai bi mklă dua hdră bruă hiu čhưn ênguê hnơ̆ng prŏng ti Kon Ka Kinh leh anăn Kon Chư Răng
Thứ sáu, 05:00, 10/07/2026
VOV Tây Nguyên
VOV Tây Nguyên
VOV.Êđê- Knơ̆ng bruă sang čư̆ êa čar Gia Lai mrâo bi mklă Hdră bruă hiu čhưn ênguê anôk jăk siam, mdei msăn, hlăp mbŭl ti Wăl dliê hrông Kon Chư Răng leh anăn Dliê knŭk kna mkuôm Kon Ka Kinh, pŏk êlan mđĭ kyar hiu čhưn ênguê mguôp hŏng răng mgang dliê leh anăn lu mta mnơ̆ng dhơ̆ng hdĭp.
Ti Kon Chư Răng srăng mkŏ mjiing 5 anôk, 8 êlan hiu čhưn ênguê giăm 190 km; klei kñăm truh thŭn 2045 drông hlăm brô 150 êbâo gưl tuê, prăk hrui wĭt êbeh 225 êklai prăk grăp thŭn. Hlăk êjai anăn, Kon Ka Kinh čuăl mkă 5 anôk, 12 êlan hiu čhưn ênguê mâo boh taih hlăm brô 201 km, ba yua klei jăk siam dliê kmrơ̆ng leh anăn knhuah dhar kreh Bahnar, mđing kơ prăk hrui wĭt hlăm brô 78 êklai prăk hlăm grăp thŭn hlăm thŭn 2045.
Gia Lai mtă kơ djăp bruă bi liê brei hlue ngă kjăp hdră kčah mơ̆ng Hdră bhiăn dliê kmrơ̆ng, amâo bi mlih ôh kơ wăl hdĭp mda, mđing kơ dŭm hdră bruă jăk kơ dliê kmrơ̆ng leh anăn rơ̆ng kriê pioh mnơ̆ng dhơ̆ng hdĭp hlăm dliê kmrơ̆ng.
Viết bình luận