Gia Lai drông 18 asei atâo kahan djiê êngiă ba anăp lehanăn phung thơ̆ng kơ bruă mơ̆ng Việt Nam săn asei djiê êngiă ti Campuchia wĭt kơ ƀuôn sang Amĭ pô
Thứ năm, 10:39, 11/06/2026
H'Nêč Êñuôl /VOV Tây Nguyên
H'Nêč Êñuôl /VOV Tây Nguyên
VOV.Êđê- Tlam hruê 10/6, ti Ƀăng jang knông lăn prŏng Lệ Thanh, să Ia Dom, čar Gia Lai, Anôk gĭt gai 515 čar Gia Lai mkŏ mjing leh knăm drông 18 asei atâo kahan djiê êngiă ba anăp lehanăn phung thơ̆ng kơ bruă Việt Nam săn asei djiê êngiă êjai mă bruă klam ti 3 čar Dưr Campuchia mâo Stung Treng, Ratanakiri lehanăn Preah Vihear wĭt kơ ala čar.
Leh knăm drông, 18 asei atâo kahan djiê êngiă mbĭt hŏng dŭm mta mnơ̆ng dưi ba ti Knưng bi hdơr phung kahan djiê êngiă Đức Cơ, hlăm Wăl msat kahan djiê êngiă Đức Cơ čiăng răng mgang, kriê dlăng lehanăn ngă yang hluê si klei bhiăn.
Tinei, Anôk thơ̆ng kơ bruă mơ̆ng Anôk bruă gĭt gai 515 čar Gia Lai lehanăn knuă druh, lĭng kahan čuh leh brui mngưi, bi hdơr kơ phung kahan jhŏng ktang djiê êngiă hlăm ai êwa mpŭ, mgei ai tiê. Hluê si hdră kčah mơ̆ng Anôk bruă gĭt gai 515 čar Gia Lai, knăm ngă yang kơ mnguh mngăt phung kahan jhŏng ktang djiê êngiă dưi mkŏ mjing hlăm hruê 12/6. Knăm čang ênuh, ba dơr 18 asei atâo kahan djiê êngiă anei dưi mkŏ mjing hruê 13/6 ti Wăl msat kahan djiê êngiă Đức Cơ, să Đức Cơ, čar Gia Lai./.
Viết bình luận