Gia Lai mđĭ hnơ̆ng thâo bruă êpul knuă druh
Thứ tư, 13:21, 20/05/2026
Pô mblang: H Zawut Byă/VOV
Pô mblang: H Zawut Byă/VOV
VOV.Êđê - Čiăng rơ̆ng kơ mnuih mă bruă mâo djăp klei čuăn mơ̆ng gru hmô bruă sang čư̆ êa alŭ wăl 2 gưl, hlăm 1 thŭn êgao, čar Gia Lai mâo leh lu hdră msir mtô bi hriăm, mđĭ klei thâo kơ êpul knuă druh, phung mă bruă knŭk kna hlue si hdră klă sĭt leh anăn ba yua kdrăp mrâo.
Klă klơ̆ng, mkrah knhal jih thŭn 2025, êbeh 24 êbâo gưl knuă druh kluôm čar Gia Lai mâo hriăm mbŏ bruă knuă. Hlăm anăn mâo êbeh 7000 čô mnuih dưi mtô bi hriăm êlam kơ klei thâo yua mrô; êbeh 10.500 čô knuă druh mda asei dưi ba yua kdrăp knhâo knhăk anak mnuih mkra mjing.
Ară anei, Gia Lai mphŭn yua klei thâo anak mnuih mkra mjing đru bi mklă hră mơar lăn ala mơ̆ng gưl čar truh gưl să kñăm bi hrŏ wưng msir mgaih hră mơar. Wưng kơ anăp, čar srăng lŏ dơ̆ng mđing mtô kơ knuă druh gưl să djăp klei thâo kriê dlăng lu bruă, djŏ hŏng bruă klam mơ̆ng gru hmô bruă sang čư̆ êa alŭ wăl 2 gưl.
Viết bình luận