Ti hdră anei, 1.000 čô mnuih mă bruă dưi ksiêm mkă dlăng, đru kčĕ klei suaih pral lehanăn mbha êa drao amâo mă prăk; mbĭt anăn dưi đru kčĕ bruă mă, bi mklă klei hâo hưn kơ mdê bi pô yua mrô đĭng blŭ mbĭt hŏng dŭm hdră mjuăt ktang asei mlei, dhar kreh, kdŏ mmuñ.

Blŭ hrăm ti knăm anei, Kơiăng khua Êpul hgŭm bruă êdam êra Việt Nam Nguyễn Kim Quy mñă, dŭm gưl bruă Đoàn, Êpul hlăm wưng êgao pŏk ngă leh lu hdră hrăm mbĭt, mđĭ klei hdĭp mnơ̆ng dhơ̆ng, ai tiê klei mĭn lehanăn klei thâo kơ bruă kơ phung êdam êra mnuih mă bruă. Ƀri gưl anei, Êpul hgŭm gưl dlông jao leh 20 hnư mnơ̆ng kơ phung êdam êra mnuih mă bruă dleh dlan; bruă Đoàn čar, Êpul hgŭm bruă êdam êra čar Gia Lai lehanăn Êpul phung mă bruă mda asei čar jao leh 100 hnư mnơ̆ng đru kơ mnuih mă bruă ti alŭ wăl./.