Yang hruê 20/7, ti alŭ wăl să Ia Ko, čar Gia Lai, Hạ sĩ Kpă Thiệp, lĭng kahan Trung đoàn 28 (Sư đoàn 10, Êpul kahan 34) hlăm wưng mdei wĭt mơ̆ng hma ƀuh leh 2 čô mnuih ƀuôn sang mâo pui kmlă kĕ. Amâo mâo uêñ kơ klei dleh dlan, ñu hlŏng êran nao hlăm anôk huĭ hyưt ktŭng ba mnuih mâo klei truh kbiă ti tač, leh anăn ñu djiê hwăt.

Bruă ngă jhŏng ktang mơ̆ng Hạ sĩ Kpă Thiệp dưi đru kơ 2 čô mnuih dưi dŏng hdĭp djŏ mmông, ƀiădah ñu djiê leh kyua hroh kboh. Bi mni kơ klei jhŏng, Knơ̆ng bruă sang čư̆ êa să Čư̆ Sê mđup brei leh Hră pah mni, mbĭt anăn anôk bruă knŭk kna să Ia Ko dôk akâo kơ gưl čar mđup brei Klei pah mni kơ ñu. Kñăm hmao bi juh klei luč liê prŏng prĭn anei, knuă druh leh anăn lĭng kahan kluôm Êpul kahan 34 mtrŭt mjhar leh klei bi mkrum mguôp đru kơ gŏ sang Hạ sĩ Kpă Thiệp, lŏ bi êdah klei  jăk siam mơ̆ng "Lĭng kahan Awa Hồ".