Hlăm êbeh 2.470 anôk bruă ară anei, mâo 2.090 anôk bruă lŏ dơ̆ng ba yua, bi adôk dưi ksiêm dlăng čiăng hrui wĭt, bi mlih amâodah jao kơ alŭ wăl kiă kriê. Čar Khánh Hoà mkŏ mjing leh êpul bruă ksiêm dlăng, ksiêk mbha, mbĭt anăn jao kơ alŭ wăl amâodah anôk bruă kiă kriê.

Hluê si knơ̆ng bruă ngăn prăk čar Khánh Hoà, bruiă msir êbeh 370 anôk bruă Knŭk kna amâo lŏ mâo klei čiăng ba yua amâodah yua amâo mâo tŭ dưn ară anei lŏ tuôm hŏng klei kpăk kyua gưl dlông mñă brei mdei êjai klei čhĭ mnia sang, lăn êbeh. Ară anei čar mñă brei ksiêm dlăng jih jang klei ba yua, bi klă boh tŭ dưn leh ba jao leh anăn ksiêm duah dŭm hdră êlan ba yua tŭ dưn msĕ si brei mưn, mlir klei mnia mblei, mkŏ amâodah mlih jing anôk bruă sang hră mơar, mdrao mgŭn, dhar kreh.