Leh sa thŭn mă bruă, alŭ wăl mâo leh lu klei bi mlih hlăm bruă kiă kriê, klei bi mlih mrô, lehanăn mbha gưl kơ nah gŭ, ƀiădah ăt dôk tuôm hŏng lu klei dleh dlan kơ mnuih mă bruă, kơ ngăn prăk, lehanăn hdră mă bruă. Ti anôk bi kƀĭn, dŭm alŭ wăl mơĭt leh truh 110 klei blŭ lač kơ dŭm klei gun kpăk hlăm êpul mă bruă, boh nik kƀah mnuih thâo hlăm bruă msĕ si kơ kdrăp mrâo, kơ bruă ngăn prăk bruă tĭng mkă, bruă lăn ala, bruă rŭ mdơ̆ng.

Lu klei blŭ bi lač bruă mbha gưl ka djăp ênŭm ai dưi, lehanăn klei ktrâo atăt bruă knuă bi djŏ guôp. Khădah čar lŏ thiăm leh êbeh 6.500 êklai prăk kơ dŭm gưl ƀuôn hgŭm, lu anôk yua ka mâo klei tŭ dưn ôh ênoh bi liê mâo jao. Khánh Hòa akâo kơ gưl dlông pral mâo hdră mtrŭn kơ prăk mlan bi djŏ hŏng bruă mă, brei klei dưi ngă klei kuôl kă mă bruă hŏng mnuih thâo êjai wưng tal êlâo, lehanăn bi leh klei bhiăn kiă kriê sang lăn êbeh leh dăp wĭt êpul mă bruă./.