Bi ala kơ Phung khua kiă kriê Đảng, Knŭk kna, bruă Mặt trận čar kwar gưl dlông Việt Nam, Khua kiă kriê klei hâo hưn lehanăn đru čung ba mnuih ƀuôn sang Trịnh Văn Quyết hơêč hmưi kơ knăm prŏng Phật đản êđăp ênang mơak mñai, mơĭt klei jăk jĭn truh kơ jih jang phung khua kiă kriê klei đăo, phung tăng ni, phung đăo boda hlăm kluôm ala. Khua anôk bruă kiă kriê klei hâo hưn lehanăn đru čung ba mnuih ƀuôn sang, đăo knang hŏng knhuah klei đăo, mâo nanao ai tiê thâo khăp, mâo klei êđăp ênang lehanăn ai tiê thâo khăp kơ lăn čar.

Khua anôk bruă kiă kriê klei hâo hưn, lehanăn đru čung ba mnuih ƀuôn sang gưl dlông đăo knang kơ klei đăo Phật giáo Việt Nam srăng lŏ dơ̆ng mđrăm mbĭt hŏng djuê ana, đru mguôp yuôm bhăn hlăm bruă mđĭ kyar lăn čar, mâo ai tiê thâo khăp kơ lăn čar. Ƀri wưng anei, khua anôk bruă kiă kriê klei hâo hưn lehanăn đru čung ba mnuih ƀuôn sang gưl dlông Trịnh Văn Quyết hơêč hmưi kơ klei đăo Phật giáo Việt Nam mkŏ mjing tŭ jing klei bi kƀĭn prŏng phung bi ala Phật giáo kluôm ala tal 10. Lehanăn čih pioh dŭm klei đru mguôp yuôm bhăn mơ̆ng phung tăng ni, phật tử hŏng klei mđĭ kyar lăn čar, bi kjăp klei thâo bi mguôp jih jang djuê ana./.